14 қараша күні Петровка ауылының жалпы орта білім беретін мектебінде «Жас педагог: кәсіби дамудың заманауи форматы» атты аудандық семинар өтті!
Бұл шара жас мамандардың кәсіби дамуына, тәжірибе алмасуына және жаңа форматтарда білім алмасуына бағытталған маңызды алаң болды.
Семинарға:
— білім бөлімінің басшысы П.Ю.Барахоева,
— "Jas pedagog" Ассоциациясының мүшелері,
— ауданның жас педагогтары қатысты.
Қатысушылар заманауи білім беру үрдістерін талқылап, жасанды интеллектті сабақта қолдану, оқу сауаттылығын дамыту, ұлттық құндылықтарды оқушы бойына сіңірудің жаңа тәсілдері бойынша өзара тәжірибе алмасты. Сондай-ақ практикалық workshop пен кейс-сессияларға белсенді қатысты.
Семинардың қорытынды бөлімінде жас мамандарға сертификаттар табысталып, ұсыныстар қабылданды.
Маңызды сәттердің бірі — «Жас педагог» ассоциациясына қабылдау рәсімі және меморандумға қол қою болды.
Барлық ұйымдастырушыларға, спикерлерге және қатысушыларға белсенділігі мен кәсіби қолдауы үшін алғыс білдіреміз!
Бірге өсеміз, бірге дамимыз!